اديها ضحك تديك طراوه

دكتور عيون قاعد مع خطيبته في حديقه وفي إيده ورده
قام قالها شايفه الورده دي يا حبيبتي .. قالت له أيوه ...!!
رجّع إيده لورا شويه ... وقالها طيب كده !!؟؟


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,

مسطول بيسئل صاحبه :
هى الزتونة السوده ليها رجلين؟؟
قاله : لأ
قام قال : ممممممم يبقى إللى أكلتها خنفسانه !!


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,

دكتور بيسئل ثلاث مجانين !
سأل الأول : 5 × 6 = كم ؟
فقال له : = يوم الجمعة !
قال له : طب اركن انت على جنب
وسأل الثانى: 5 × 6 = كم ؟
فقال له : يا دكتور سيبك منه ده مجنون، 5 × 6 = 800 طبعا !
فقال له الدكتور : طيب أركن على جنب مع صاحبك !
وسأل الثالث : 5 × 6 = كم ؟
فقال له : = 30 فالدكتور استغرب وقال له : صح ، عرفتها إزاى ؟
فقال له : دى سهلة يادكتور ، طرحت 800 من يوم الجمعة !!


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,

واحد دخل حديقة الحيوانات ودخّل راسه في قفص الاسد!!
الحارس جري عليه وقاله أنت بتعمل إيه يا مجنون ؟؟!!
رد عليه : إيه يابا .. يعني حناكله !!؟؟


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,

في واحد صعيدى ومراته راكبين في الطيارة
قالها : قومي جيبي لي مية
راحت وجابت مية
وبعد شوية قالها : جيبي مية
راحت ورجعت من غير ماتجيب حاجة !!
لما سألها قالت له :
الزير إللي جبتلك منه الميه لقيت واحد قاعد عليه . !!


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,

مرة واحد بيعدي الشارع مع صحابه خبطته سيارة مسرعة ومات .
نقوا واحد من أصحابه علشان يقول الخبر لزوجة المتوفي
فراحو لها فتحت لهم الباب
تقدم صاحب المتوفي وقال لها :
"جوزك ضيع كل فلوسه على القمار"

قالت له : "إلهي ينشل البعيييد!"

قام قال لها : "و باع البيت"!

قالت له : " أشوف فيه يوم !"

قام قال لها: "و اتجوز عليكي على فكرة"

قالت له : " إلهي يدخلوا عليا شايلينه"

الراجل قال : "بس .. شيلوا الراجل وخشوا يا شباب "

.................................................. ......................
واحد صعيدى مسافر بالطيارة وواخد معاه بلاص مش
وهو عالسلم المضيفة قالتله مينفعش تتدخل بالبتاع اللى معاك ده
الراجل استخسر يرمية قام رافع البلاص وقعد يدلق فى بطنه راح طالعله الشيطان بيقوله : سمى حرام عليك قطعت نفسى !!!!!!!!!
.................................................. .......................


يارب تعجبكم